કેટલુ પાણી છોડવામાં આવે તો સુરત ના કયા વિસ્તારો ડુબી જાય ???

કેટલા લાખ કયુસેકસ પાણી છુટવા થી સુરત ના કયા વિસ્તારો ડૂબી શકે ? (અંદાજીત જોઇયે)

૧ લાખ : સામાન્ય અસર , તાપી નદીમાં સપાટી વધે

૨ લાખ : ફલડગેટ બંધ કરવા પડે , તાપી તટની ઝુંપડેપટ્ટીઓમાં પાણી ઘુસવાની શરૂઆત

૩ લાખઃ અડાજણ સ્વામીનારાયણ મંદિર કાંઠેથીપાણી ઘુસવાની શરૂઆત

૪ લાખ : રાંદેરમાં હનુમાન ટેકરી પાસેથી શરૂ કરીને પાંચ પીપળી મંદિર , મારૂતિનંદન મંદિર , વાંકલ સ્ટ્રીટ , બીજી તરફ અડાજણ , પાલ વિગેરે સહિતના વિસ્તારોમાં પાણી પ્રવેશવાની અને પાણીની સપાટી વધવાની શરૂઆત થઈ શકે છે . સાથે સાથે તાપી નદી સાથે જોડાયેલી મગોબ , કરંજ , ડુંભાલ ખાડી , વરાછા ખાડીમાં પાણી ‘ એક ’ મારવાની સાથે પુણા - સીમાડા વિસ્તારમાં ખાડીમાંથી પાણી ઘુસવાની શરૂઆત થાય છે .

૫ લાખ : જહાંગીરપુરાથી શરૂ કરીને રાંદેર , અડાજણ અને પાલના તમામ વિસ્તારોમાં પૂરના પાણી ફરી વળે .

૬ લાખ : અગાઉના તમામ વિસ્તારોમાં પાણીની સપાટી વધવાની સાથે અમરોલી પુલની બંને તરફથી પાણી અમરોલી , છાપરાભાઠા વિગેરે નદી પારના વિસ્તારોમાં પ્રવેશવાની શરૂઆત થાય છે .

૭ લાખ : નાનપુરા , મક્કાઈપુલથી સેન્ટ્રલ ઝોનના વિસ્તારોમાં પાણી ઘુસે.જે નાનપુરા , કાદરશાની નાળ , નવસારી બજાર , પુતળી , સગરામપુરા , ગોલકીવાડ , ગોપીપુરાના કેટલાક વિસ્તારોથી શરૂ કરીને છેક અઠવાગેટ સુધી પહોંચી જાય . ઉપરાંત સૈયદપુરા , આઈ.પી.મીશન સ્કુલથી શરૂ કરીને વેડદરવાજા અને સુરત જિલ્લા પંચાયતની કચેરી , એકસાઈઝ કચેરી વિગેરેથી શરૂ કરીને ચોકબજાર , ચૌટાબજાર , શાહપોર , નાણાવટ , ભાગાતળાવ , બડેખાંચકલા , સાગર હોટલ , ઝાંપાબજાર , વાડીફળીયા , નવાપુરા સલાબપુરા , રૂસ્તમપુરા તેમજ આસપાસના વિસ્તારોમાં પણ પાણી ફરી વળે .

૮ લાખ : ઉમરા , પીપલોદ . બહુમાળી બિડીંગ , ડચ ગાર્ડન , રીંગરોડ , અઠવાલાઈન્સ , ઘોડદોડ રોડ , સુરત - ડુમસ રોડ , સિટીલાઈટ છાપ..ભાઠા , કોસાડ ,

વેસુ , મોટાવરાછા તેમજ ઉત્રાણમાં પણ પાણી ફરી વળે .

૯ લાખ : અગાઉના વિસ્તારોમાં પાણીની સપાટી વધવાની સાથે વરીયાવ અને કોસાડથી તાપી નદી પોતાનું વહેણ બદલીને તે દિશામા દરીયા તરફ પ્રયાણ કરે , કઠોર પાસેથી વહેણ બદલીને કીમ - સાયણ તરફ નદીનો પ્રવાહ જાય . જો પાળો તુટે તો જહાંગીરપુરાથી ઓલપાડની તેના ખાડીમાં તાપી નદીનું પાણી ઠલવાવા માંડે . કતારગામ , વેડરોડ અને વરાછા પણ પૂરની લપેટમાં આવી જાય . મહીધરપુરા રામપુરા , રેલ્વેસ્ટેશન વિસ્તાર , બેગમપુરા , હરીપુરા , સૈયદપુરા , લાલ દરવાજા વિગેરે વિસ્તારોમાં પણ પાણી ફરી વળે .

૧૦ લાખ : ગત વર્ષેો માં બાકી રહી ગયેલો સુમુલડેરી રોડ સહિતનો સુરતનો ભાગ્યેજ કોઈ વિસ્તાર પૂરની અસરમાંથી બાકી રહે.ગત વર્ષે પણ પૂર દરમ્યાન શહેરમાંથી પુણા - કુંભારીયા રોડ , ઉધના , ભટાર તેમજ મગદલ્લા ખાતેથી પસાર થતી નહેરે લાજ રાખીને આ વિસ્તારોમાં પૂરના પાણી આવતા રોકી લીધા હતા . પણ ૧૧) લાખ ક્યુસેક્સના પૂરના પાણી નહેરને પણ વળોટીને ભટાર , ઉધના મગદલ્લા રોડ , ડુમસ , મગદલ્લા , એરપોર્ટથી શરૂ કરીને ડુમસ ચોપાટી સુધીના વિસ્તારોમાં ઘુસી જશે .

આ માહીતી અંદાજીત છે, ૧૦૦% હકીકત આને લગતી સમજી અને આગળ ૨૦૦૬ ના હીસાબ થી આ આરિટીકલ પ્રસિધ્ધ કરવામાં આવ્યો છે.

જો આ લેખ આપને ગમ્યો હોય તો આપના અભિપ્રાય જણાવી શેર તથા ફોલો કરશો.

✒️..... પ્રકાશકુમાર વેકરીયા.